غزل
اِس برف کے سب مُنتظِر ، ہیں یَاں مگر اب کے برس
یہ پُر تَپِش 'چِلۂ کَلاں' کچھ اور ہی جَتلائے ہے
نالاں ہے سَنگ و ہر شَجر ، بے برف اِس موسم یہاں
ہر تِشنہ لَب کو یہ خبر ، جَہلم ندی بَتلائے ہے
جب جب زمیں کا تن بدن، جَاڑے میں تَرسے بُوند کو
تب تب مہینہ ' ہَاڑ ' بھی ، بَس دھول ہی چَٹوائے ہے
دَرزِ زمیں چیخے ہے اب ، سِسکے ہر اک چَشمہ بھی یاں
اُر یہ سَماں سَرمت ہے ، ہر آہ کو دَہکائے ہے
رَب العُلٰی ، مُشکل کُشا نے دے رکھا ہے راستہ
تَوبۂ نَصُوحا ہر قدم ، ہر رَنج سے چُھڑوائے ہے
۔۔۔۔۔۔۔۔۔۔۔۔۔۔۔۔۔۔۔۔۔
چلۂ کلان ۔۔۔۔ اِکیس دسمبر سے آگے چالیس دنوں پر محیط عرصہ ، جس میں ،برف باری کے ساتھ ساتھ درجۂ حرارت مَنفِی زُمرے میں رہتا ہے، گِری برف جَم جاتی ہے اور پورے خِطے کو
سال بھر پینے اور آبپاشی کے لئے پانی فراہم رہتا ہے۔
ہاڑ (ہار) ۔۔۔۔۔ آشاڑ (اساڑھ) مہینہ جو جیٹھ کے بعد اور ساون سے پہلے آتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔
مندرجہ بالا 👆 تشریحات اُن قارئین کرام کے لئے ہیں ، جن کا چلن اردو ہے اور کشمیری زبان سے نا آشنائی۔۔۔۔!!!
سید بشارت بخاری
9419000728
براڈکاسٹر و سابق وزیر قانون ریاست (سابقاً)
جموں و کشمیر
0 $type={blogger}:
Post a Comment